ते दिवस

ते दिवस .....

अशी ग कशी वेडे
दिवस अल्लड ते विसरलीस 
म्हणत तेंव्हा गाणी 
हातात हात घेऊन फिरलीस 
भटक भटक भटकलो
पावसात चिंब भिजलो 
भरताच ती हूडहूडी 
अलगद मिठीत शिरलीस 
माझा तूला तूझा मला
आधार होता किती 
आले भान जेंव्हा 
किती गोरीमोरी ग झालीस
वेड्या वयातले नाते ते 
त्याला नव्हतेच नाव 
वर्षे गेली किती 
नजरेस नव्हती पडलीस 
आज झाली गाठ अचानक 
पहाताच अशी लाजलीस 
आता आठव पुन्हा सारे 
म्हणताच मागे फिरलीस 
विसरून ते अल्लड नाते 
वेगळ्या विश्वात रम्य रमलीस 
---- © प्रल्हाद दुधाळ.