तडजोड.

तडजोड.
अलिकडे दिवास्वप्ने मी मुळीच पहात नाही !
कारण माझ्या मनाप्रमाणे काहीच होत नाही!
जवानीचा जोश होता
मस्ती अंगात होती
नशिबाची साथ होती
तशी सरळ वाट होती
सध्या आयुष्याचे काय झालय ते कळत नाही!
कारण माझ्या मनाप्रमाणे काहीच होत नाही!
मंदीरे मठ शोधून झाले
ज्योतिषाचे उंबरे झिजले
नवस सायास कामा न आले
शेवटी एक ध्यानात हे आले
तडजोडी शिवाय प्रगती साधता येत नाही!
कारण माझ्या मनाप्रमाणे काहीच होत नाही!
अडचणीतुन शिकता येते
अनुभवाची समृद्धी होते
समस्येतही संधी सापडते
माणुसकीची किंमत कळते
आता वास्तव स्विकारतो मी चडफडत नाही!
कारण माझ्या मनाप्रमाणे काहीच होत नाही!