सुगंध सुखाचे

भुजंगप्रयात
अक्षरगणवृत्त
मात्रा २०
लगागा लगागा लगागा लगागा
सुगंध सुखाचे
तुला काय सांगू मला काय वाटे
तुझे पाहुनी रूप आनंद दाटे
अशी भेटता तू  सुखाची कहाणी
जशी ईश्वराशी म्हणावीत गाणी

असा मी पहातो करू का खुलासा
पुन्हा आठवांचा मनाला दिलासा
नको आज सांगू नवा तो बहाणा
म्हणूदे कुणी ते कसा हा दिवाना

जरी भासतो मी जरासा करंटा
नसे आवडीचा फुकाचाच डंका
हिशोबी गणिते इथे भावनांची
कुणाला कळावी व्यथाही प्रितीची

कशाला कुणाची तमा ती करावी
मनाला मनाचीच भाषा कळावी
तयाना कळूदे मला काय त्याचे
प्रियेला कळावे सुगंध सुखाचे

प्रल्हाद दुधाळ