सजवलेले क्षण ---- प्रल्हाद दुधाळ.

सजवलेले क्षण. काही हसवणारे,काही रडवणारे,बरेचसे निसट्लेले,त्यातुनच काही अचुकपणे पकड्लेले, आनंदाने नाजुकपणे जाणीवपुर्वक सजवलेले, असे हे क्षण ज्यांनी मला आनंद दिला तेच हे! माझ्या या कविता रसिक वाचकांसाठी सादर आहेत. आपल्या प्रतिक्रियांचे मनपूर्वक स्वागत! ...........प्रल्हाद दुधाळ. ९४२३०१२०२०.

रविवार, १९ एप्रिल, २०२०

व्यथा...

व्यथा...
लिहीत गेलास
जगण्याची कथा
चितारली सुरेख
अंतर्मनातली व्यथा
वाजल्या टाळ्या
मिळाली वाहवा
लोक म्हणाले
अस्सल कविता
त्या शब्दांनी
अन रेघोट्यांनी
आला ना ढेकर
तरंगली न गाथा
... प्रल्हाद दुधाळ

रविवार, २४ नोव्हेंबर, २०१९

आरसा

आरसा...
चेहरा असे आरसा
आतल्या विचारांचा..!
आठ्या त्या कपाळाच्या
उद्रेक विकारांचा..!
स्मित चेहऱ्यावरचे
वैभव जीवनाचे..!
कपट ते मनातले
मूळ हे विकारांचे..!
मुखवटे खोटे ते
क्षणासाठी सुखाचे..!
समजून हे घ्या रे
कारण खरे दु:खाचे..!
रहस्य असे खास
आनंदाचे कारण..!
जसे आहे तसेच
पारदर्शी जीवन..!
.... प्रल्हाद दुधाळ.