मंगळवार, ९ सप्टेंबर, २०१४

पाऊस स्मरणांचा!

पुन्हा कितीक दिवसांनी
रस्त्याने त्या गुजरलो  
ते दिसले झाड बहरले
अवचित तो कोसळला  
पाऊस तुझ्या स्मरणांचा!
त्या नजरेमधल्या भेटी
शब्दाविण बोललेली भाषा  
आठवले क्षण ते गहिरे  
नकळत गाली बरसला  
पाऊस तुझ्या स्मरणांचा!
सहवास किंचितसा होता
चालली मूकपणे ती वाट  
समंजस किती ती प्रीती
बरसला स्मरता विरहक्षण      
पाऊस तुझ्या स्मरणांचा!
       .......प्रल्हाद दुधाळ.



कोणत्याही टिप्पण्‍या नाहीत:

टिप्पणी पोस्ट करा