मंगळवार, २७ जानेवारी, २०१५

नको ग!

     नको ग!
शब्दांना इतकी धार नको ग!
असे जिव्हारी वार नको ग!
बोल बोल मनातले सारे,  
उगाच असा भार नको ग!
सारे विसरू रुसवे फुगवे,
प्रेमात व्यवहार नको ग!
रोखठोक मामला असावा,
मिटवू तो उधार नको ग!
होती शपथ जन्मोजन्मीची,
अर्ध्यातून माघार नको ग!
सुटे संवादातून समस्या,  
राग तुझ्यावर स्वार नको ग!
साकारले रेखाटले स्वप्न,
वेठीला घरदार नको ग!
            ....प्रल्हाद दुधाळ.
द्वारा पोस्ट केलेले येथे

२ टिप्पण्या:

याची सदस्यत्व घ्या: टिप्पणी पोस्ट करा (Atom)