तुझ्यासाठी

तुझ्यासाठी!
मौन आज सोडले सारे सांगण्यासाठी
शब्द शब्द जपले मी शब्द होण्यासाठी

नजरेतले इशारे आता संपवू ना
कोड्यात टाकणारा आता नको बहाणा

शब्द आता गुंफले व्यक्त मी होण्यासाठी
शब्द शब्द जपले मी शब्द होण्यासाठी

नात्यात तुझ्या माझ्या नाही वावगे काही
सौंदर्य आंतरीक माझ्या मनास मोही

काव्यात गुंफलेले शब्द मी तुझ्यासाठी
शब्द शब्द जपले मी शब्द होण्यासाठी
       ....... प्रल्हाद दुधाळ.