संकरित.

संकरित.
प्रत्येकजण संशयखोर या गर्दीत आहे.
हत्यारे आपापली हरेक परजीत आहे.

गातात महती एकता अन समानतेची,
माणुसकीचे वागणे परंतु वर्जीत आहे.

सांगतात गोडवे साध्यासरळ रहाणीचे,
पेहराव परंतु तयांचा भरजरीत आहे.

नावापुढे जनसेवकाची लावली उपाधी,
सत्ता तयांची परंतु घातल्या वर्दीत आहे.

असणार कसा मेळ वागण्याबोलण्याचा?
हे पेरले बियाणे तयांचे संकरित आहे.

प्रल्हाद दुधाळ.
.......काही असे काही तसे!