बुधवार, १४ जानेवारी, २०१५

.... नुसतच कविता लिहिणं!....

.... नुसतच कविता लिहिणं!....
 प्रेमाच्या ना चार गुजगोष्टी,
तिऱ्हाइतासारख वागणं,
हरवून सदा आत्मभान,
नुसतच कविता लिहिणं!
नाही बरोबरीने फिरणं,
सिनेमा नाटकाचं नाव नाही,
स्वत:शीच ते गुणगुणन,
नुसतच कविता लिहिणं!
आहेच सख्याचा अभिमान,
संवेदनशील हळुवार मन,  
कल्पनेत  कायम रमणं,
नुसतच कविता लिहिणं!
चंद्र तारे त्याच्या सोबतीला,
गुंफलेली हाती शब्दमाला,
नाही ते शब्दाना वेडावणं,
नुसतच कविता लिहिणं!
वाटे सदा लाभावी संगत,
जीवन व्हावं सुंदर गाणं,
जगावं विसरून देहभान,
नुसतच कविता लिहिणं!
      ..........प्रल्हाद दुधाळ.



  

कोणत्याही टिप्पण्‍या नाहीत:

टिप्पणी पोस्ट करा