बुधवार, १० जून, २०१५

पाऊसधारा!

पाऊसधारा!
गर्जत,बरसत आल्या पाऊसधारा!
करी धुंद मजला,हा थंडगार वारा!
बोचरी अशी थंडी,सहन रे होईना,
ये ना आता जवळी, तू दे मला सहारा!
न्हाऊन निसर्ग हिरवा ताजातवाना,
गारठला मोर पहा, मिटला पिसारा!
बघ इथे दिसते,एक जादू निराळी,
गातोय तो नाचतोय,खळाळता झरा!
संगे तुझ्या भिजण्याची,झाली रे मनीषा,
एकटी मी इथे आणि तिथे तू बिचारा!
       ....... प्रल्हाद दुधाळ.

    

कोणत्याही टिप्पण्‍या नाहीत:

टिप्पणी पोस्ट करा