बुधवार, २७ जानेवारी, २०१६

स्वातंत्र्य.

स्वातंत्र्य.

परकियांच्या त्या गमनानंतर
आपापसातले मुळी वैर नको
भेद पसरविणारे वैरी आपले
मिटवून टाकू त्यांची खैर नको
सुखी आनंदी जगणे इथले
गुलामीची बिल्कूल बात नको
घरभेद्याना व्हावी कठोर शिक्षा
देशद्रोह्याना मुळीच साथ नको
जातीधर्म रहावे आत घराच्या
तिरंग्या व्यतिरिक्त तो रंग नको
देशाभिमान मनामनात भरावा
रक्तरंजीत कुठे रसभंग नको
हुतात्म्यांचे त्या जेथे रक्त सांडले
भेदाभेदास तेथे मुळी भाव नको
स्वातंत्र्य हे बहूमोल भारताचे
स्वैराचारास बिल्कूल वाव नको
.....प्रल्हाद दुधाळ.

कोणत्याही टिप्पण्‍या नाहीत:

टिप्पणी पोस्ट करा