सोमवार, ८ ऑगस्ट, २०११
वाट.
वाट.
अस्मिता कुणाची इथेही भंगली आहे.
लाखोली शिव्यांची ओठी खोळंबली आहे.
उपाशी इथे जरी जवान त्या क्रांतीचे,
महफ़िल गुलाबी एक रंगली आहे.
नाही आळवले जरी तुकोबाने देवा,
गाथा इंद्रायणीमधे तरंगली आहे.
करिती टवाळी जरी माझ्या कल्पनेची,
कथा माझी वेदनेने ओथंबली आहे.
चलतोय आज इथे मी उंटाच्या चालीने,
बंडास्तव वाट ही अवलंबली आहे.
प्रल्हाद दुधाळ.
.....काही असे काही तसे!
याची सदस्यत्व घ्या:
टिप्पणी पोस्ट करा (Atom)
कोणत्याही टिप्पण्या नाहीत:
टिप्पणी पोस्ट करा