पोस्ट्स
नको रे पावसा.
नको नको रे पावसा,
नको अशी हुलकावणी,
तुझ्या वाटेकडे डोळे,
झळा उन्हाच्या संपेना!
नको नको रे पावसा,
अशी ओढ नको देऊ,
अवकृपा तुझी नको,
कसे राहू तुझ्याविना?
नको नको रे पावसा,
नको धरणीशी अबोला,
माणसाच्या साऱ्या चुका,
अंकुराचा काय गुन्हा?
नको नको रे पावसा,
नको लहरी वागणे,
अशी कोसळू दे धार,
होऊदे जोराचा धिंगाणा!
.....प्रल्हाद दुधाळ.
कोणत्याही टिप्पण्या नाहीत:
टिप्पणी पोस्ट करा