समजले पाहिजे.

 समजले पाहिजे!
कधीकधी माणसावर आपल्या रुसले पाहिजे!
रोज जीवनात खदखदून हसले पाहिजे!
हवा  कशाला ताठा,दुराभिमान नाहीच कामाचा
स्पर्शासाठी ममतेच्या जरा मातीत बसले पाहिजे!
दु:खात रडणे माणसाचा असे सहज स्वभाव
आनंदातही डोळ्यातुन पाणी बरसले पाहिजे!
करिअर टार्गेट अप्रायजल हे नेहमीचेच
नात्यांसाठी प्रेमभरल्या मन आसुसले पाहिजे!
आयुष्य हे क्षणभंगूर चिरंजीव येथे ना कोणी
जन्मात आनंदी  रहावे हे मनी ठसले पाहिजे!
                               ........प्रल्हाद दुधाळ.