पोस्ट्स
बदल....
किल्मिषे नात्यांतली त्या होळीत जाळतो मी
सांगतो खरेच आता विसंवाद टाळतो मी
विसरून तेजोभंगा सुरुवात नवी केली
दुखावल्या माणसांना हृदयात माळतो मी
कर्मफळ ज्याचे त्याला मिळणार इथे आहे
जाणीवेने नव्या या जुने पीळ टाळतो मी
जखमा जरी त्या ओल्या घाव विसरलो आहे
वचन दिले आत्म्याला कसोशीने पाळतो मी
प्रतिसाद थंड आहे माझ्या त्या जिवलगांचा
गुन्हा नक्की काय माझा आसू अबोल गाळतो मी
..... प्रल्हाद दुधाळ
कोणत्याही टिप्पण्‍या नाहीत:
टिप्पणी पोस्ट करा