पोस्ट्स
आता तरी मान रे ....
धावता धावता दमतोस किती
येवू दे आता वास्तवाचे भान रे
स्वतःसाठी काढ वेळ तू छान रे
आरोग्याकडे आता दे तू ध्यान रे
येवू दे आता वास्तवाचे भान रे
चढता पायऱ्या दमछाक होई
व्यायामासाठी तुला वेळ नाही
उद्या उद्या करता वय पुढे जाई
व्याधिमुक्ततेचे रहस्य जाण रे
येवू दे आता वास्तवाचे भान रे
आहार विहार नियमित योग
तंदुरुस्तीसाठी नियमात वाग
जिभेच्या चोचल्यास हवा लगाम
वय तुझे झाले आता तरी मान रे
येवू दे आता वास्तवाचे भान रे
किती जमवली जरी तू रे माया
रहाते ती इथेच कष्ट जाती वाया
प्राथमिकता काय आता जाण रे
आनंदी जगण्याचे मोल मान रे
येवू दे आता वास्तवाचे भान रे
...... प्रल्हाद दुधाळ.
कोणत्याही टिप्पण्या नाहीत:
टिप्पणी पोस्ट करा