सोमवार, १२ ऑक्टोबर, २०१५

प्रयत्न.

प्रयत्न.
एकांतात माझी सावली शोधतो आहे.
माझ्याच अंतराशी गूज बोलतो आहे.  
मांडता शब्दात कधी आले न मजला
लिहिले शब्द सत्य उगा खोडतो आहे.
विचार मनास छळती नको नको ते
नाते ते विवेकाशी आज तोडतो आहे.
जड पाठीवरी झाले अपेक्षांचे ओझे
निखळले सांगाडे बळे ओढतो आहे.   
तुटू पाहती जपली हृदयाची नाती  
सांधूनी मनांना ती पुन्हा जोडतो आहे.

         ......प्रल्हाद दुधाळ.

कोणत्याही टिप्पण्‍या नाहीत:

टिप्पणी पोस्ट करा