वरात.

वरात.

दरवाजावर ऐकून दु:खांची दस्तक

स्वागतास मी उभा पूर्ण नतमस्तक.

बजावले त्याना मी देतानाच प्रवेश

घाबरली दु:खे माझा पाहून तो आवेश.

कुरवाळणे दु:खांना माझा स्वभाव नाही

फार काळ येथे लागणार निभाव नाही.

बघून उपेक्षा ती दु:खांनी काढला पळ

स्वागतास सुखांच्या मिळाले नव्याने बळ.

पलायनाची दु:खांच्या गेली सुखांना वर्दी

दारापुढे प्रवेशासाठी सुखांची ही गर्दी.

एकामागे एक सुखे येताहेत घरात

जीवनात चालू आहे आनंदाची वरात.

        .....प्रल्हाद दुधाळ.