पावसा आता ....

पावसा ....
विश्वास तुझ्यावर ठेवला 
सार्थकी तो लावशील का रे 
पेरले मातीत ते रुजण्या
आता पावसा येशील का रे?

अवेळीच तुझे येणे जाणे 
वागणे सुधरेल का रे 
हवाहवासा वाटे जेंव्हा तू 
आता पावसा येशील का रे ?

तहानले हे जीव इथले 
तृप्त त्या करशील का रे 
नाचत गात त्या वाऱ्यासंगे 
आता पावसा येशील का रे ?

तोल राखण्या या धरणीचा 
साथ आता देशील का रे 
जगविण्या नवी वृक्षलता 
आता पावसा येशील का रे?
प्रल्हाद दुधाळ