सोमवार, २१ जून, २०१०

कोणी?

कोणी?

केले तयांना असे बदनाम कोणी?
दाखविला विनाशी मार्ग वाम कोणी?

लागेना टिकाव त्या कपटी नीती ने,
धरला वेठीला प्रभू श्रीराम कोणी?

जन्म नासला यांचा त्या पाप कर्मांनी,
क्षालनास शोधले चारी धाम कोणी?

ही संपत्ती अन या आलिशान वस्त्या,
मरेतो या साठी गाळला घाम कोणी?

नाही हातास काम न पोटास घास,
पिऊन रक्त धरला हातात जाम कोणी?

माणसांचे जगणे पशुवत झाले,
नाकारले यांना होऊन ठाम कोणी?

प्रल्हाद दुधाळ.

कोणत्याही टिप्पण्‍या नाहीत:

टिप्पणी पोस्ट करा