मंगळवार, २२ जून, २०१०

दिखावा.

दिखावा.
बरसना-यांचे ना होते नाव येथे.
गर्जना-यानाच मिळतो भाव येथे.

गुन्हेगार ठरतो रंक तो बिचारा,
उजळमाथी फिरे पापी राव येथे.

अर्धपोटी राहीना का जनता येथे,
महासत्तेचा डांगोरा भरघाव येथे.

ओळख ना पुरेशी भारतीय अशी,
जात धर्माने जाणती ते नाव येथे.

उदघोष चाले जरी तंटामुक्तीचा,
वादाविना नांदे एक न गाव येथे.
प्रल्हाद दुधाळ.

कोणत्याही टिप्पण्‍या नाहीत:

टिप्पणी पोस्ट करा