सोमवार, २१ जून, २०१०

जगणे.

जगणे.

माणसांचे इथल्या काहीतरी बिनसले आहे.
मनामनाला अहंकाराने का ग्रासले आहे.

शब्दा शब्दात या भरली आहे विखारी कटूता,
सगळी सुखे पायाशी मनस्वास्थ्य नासले आहे.

नाही साधेसरळ बोलणे सदा स्वर टिपेचा,
संवाद संपला विसंवादात घर हरेक फसले आहे.

काय हवे तयांना कोठे जायचे आहे उमगत नाही,
स्नेहाळ शब्दांना हरेक मन तरसले आहे.

अशांतता अराजक सर्वत्र माजले आता येथे,
उलाघाल दाट्ली मनात जगणे त्रासले आहे.

प्रल्हाद दुधाळ.

कोणत्याही टिप्पण्‍या नाहीत:

टिप्पणी पोस्ट करा