गुरुवार, १० जून, २०१०

महासत्ता.

महासत्ता.
कापतो आम्ही एकेकाचा पत्ता!
व्हायचे आहे आम्हास महासत्ता!
कशाला हवे ते चुल आणि मुल,
भिरकावली ती संस्कारांची झुल!
सोड्ली आम्ही शिकायची यत्त्ता,
व्हायचे आहे आम्हास महासत्ता!
भल्या पहाटे्स कामाला लागतो,
मरेपर्यंत फक्त कष्ट्च करतो,
घामावर मिळेना पोटापुरता भत्त्ता,
व्हायचे आहे आम्हास महासत्ता!
कमावतो कमी खर्चतो जा्स्त आम्ही,
उपाशी जरी मिशीला तुप चोपतो आम्ही,
सोडला ना गावातला एकही गुत्त्ता,
व्हायचे आहे आम्हास महासत्ता!
जो बळी तो कान पिळतो येथे,
लाळघोट्यांनाच भाव मिळतो येथे,
कुणाच्या घामावर कुणाची सत्त्ता?
व्हायचे आहे आम्हास महासत्ता!
कापतो आम्ही एकेकाचा पत्ता!
व्हायचे आहे आम्हास महासत्ता!
प्रल्हाद दुधाळ.

कोणत्याही टिप्पण्‍या नाहीत:

टिप्पणी पोस्ट करा